နှောင်းမှ သိလိုက်ရတဲ့ နောင်တ

ဒီနေ့ လစာထုတ်ရက်…

ကိုသောင်း တက်တက်ကြွကြွနှင့်အိမ်ပြန်လာခဲ့သည်။ မိန်းမဖို့ ကဘယ်၍ သားဖို့ ကဘယ်လောက်သမီးဖို့ က ဘာလေးး စိတ်ထဲမှာ ခွဲတမ်းလေးချလို့ ပီတိစိတ်လေးနဲ့အိမ်ပေါ်ကိုလှမ်းတက်ရုံရှိသေး

“ထွီ”

သလိပ်တွေ အခဲလိုက်နဲ့စီးထွေးခံလိုက်ရတော့ ကိုသောင်း အပျော်စိတ်တွေ ဘယ်ရောက်ကုန်မှန်းမသိတော့ချေ…ပုဆိုးကို ဖြည်ဝတ် ခါချရင်းက…

“အမေကတော့ လုပ်ချလိုက်ပြန်ပြီ အိမ်ပေါက်ဝလေးဘာလေး ကြည့်ပါအုန်းဗျ… ကျွန်တော့ပုဆိုးတွေပေကုန်ပြီ…ညစ်ပတ်လိုက်တာ…တကယ်ပဲ”

အမေအိုက မျက်ကလူးဆန်ပျာနဲ့…

“အမေမမြင်မိလို့ ပါသားရယ်…ချောင်းတွေ တအားဆိုးနေတာ သလိပ်ဟက်လို့ ရတုန်းလေးမို့  အမြန်ထွေးချလိုက်မိတာ…အမေပြန်သုတ်ပေးပါ့မယ်လူလေး လာ လာ အပေါ်တက်ခဲ့”

“နေပါအမေရာ…ကိုယ်ဘာသာကိုယ်…..မိန်းမ ရေ … မောတယ်ကွာရေခပ်ခဲ့အုန်း”

ကိုသောင်း အမေ့လက်တွေကို ဖယ်လိုက်ပြီး အိမ်ပေါ်က ပက်လက်ကုလားထိုင်ပေါ်လှဲချလိုက်ရင်း…သူ့ မိန်းမနဲ့ကလေးတွေ တန်းစီခေါ်နေတော့၏။ရလာတဲ့လစာနှင့်တကွ ဝယ်ခြမ်းလာသည်များကို ခွဲတမ်းချနေတုန်းကိုသောင်း အမေ့ဆီတစ်ချက် လှမ်းကြည့်လိုက်မိ၏။အမေက ဘုရားစင်ရှေ့ မှာဘုရားရှိခိုးရင်းကချောင်းတဟွတ်ဟွတ် ဆိုးနေလေသည်။

“မိန်းမ အမေ ချောင်းတွေ တအားဆိုးနေပါ့လားဆေးလေးဘာလေး ဝယ်မတိုက်ဘူးလား”

“ရှင့်အမေ က ဒီဆေးလည်းမကြိုက်ဟိုဆေးဆိုလည်းဘာဖြစ်နဲ့ နေပါစေဒီလောက်အဆိုးကြီးလည်းမဟုတ်ပါဘူးမနက်ကျမှ အဆုတ်ပုံလေး ဘာလေးဝယ်တိုက်လိုက်မယ်”

ကိုသောင်း ဘာမှမပြောတော့ သူ့ မိန်းမပြောတာလဲဟုတ်မှာပါလေ ရှေးရိုးဆန်တဲ့သူ့ အမေအကြောင်းသူသာအသိဆုံးမို့ လား…သူတို့ မိသားစုဘဝကကုမ္ပဏီလခစားသူ့ ဝင်ငွေနှင့်အကျပ်တည်းကြီးမဟုတ်ပေမယ့် သိပ်အချောင်လည်ကြီးလည်းမဟုတ်…

အဖေမရှိကတည်းက သားအမိနှစ်ယောက်တည်း ရုန်းကန်လာရင်း သူအိမ်ထောင်ပြုတော့ အမေ့ကိုအပါခေါ်ရသည်ပေါ့။ အိမ်ငှါးဘဝနှင့် သူတို့ သားအမိကို အိမ်ပေါ် တက်နေခွင့်ပြုခဲ့တဲ့ သူ့ မိန်းမကိုပဲကျေးဇူးတင်နေမိရသည်။ယောက္ခထီး ယောက္ခမကမရှိကြတော့ သူ့ အမေကိုမိန်းမက အမေလိုသဘောထားမှာမလွဲနိုင်ပါပေ။

နေ့ စဉ်နှင့်အမျှသူက အိမ်မှာမရှိပေမယ့် သူပြန်လာတိုင်း အမြဲပြုံးရွှင်နေတတ်တဲ့အမေ…မျက်နှာကို ကြည့်တာနှင့်သူသိနိုင်သည်ပဲ။အမေ့ဆီကတစ်ခါမှ တိုင်သံတောသံကြားရဖို့ ဝေးလို့ အမေပျော်နေတဲ့ အကြောင်းကိုသာ အမြဲကြားရတတ်သည်လေ။

သူ့ ရုံးပိတ်ရက်ရောက်လို့ မိသားစု တစ်နေရာရာကိုအလည်အပတ်သွားတိုင်း အမေဘယ်တော့မှ လိုက်လေ့မရှိ။သားတစ်ယောက်အနေနဲ့ ခေါ်ရမည့်တာဝန်က
ရှိပေမယ့် ခေါ်တိုင်းငြင်းဆန်လေ့ရှိတဲ့ အမေ့ကြောင့်သူမခေါ်ဖြစ်ခဲ့တာ ကြာပါပြီကော။ခုတစ်လောလေး သူအနည်းငယ်သတိထားမိခဲ့သည်မှာအမေ့ကြည့်ရတာ အတော်လေး ပိန်သွားပုံရ၏။ချောင်းဆိုးသံ မကြားရတော့ပြီမို့  နေကောင်းသွားပြီဟုယူဆပြီး ဒီအတိုင်း နေမိခဲ့လေသည်။

ဒီနေ့ သူအလုပ်ကပြန်လာတော့…မရောက်တာ ကြာပြီဖြစ်တဲ့ အမေ့အခန်းလေးထဲ သူဝင်သွားခဲ့ပါ၏။အမေကလက်ထဲမှာ အဝတ်တစ်ခုကို သည်းကြီးမည်းကြီး ချုပ်နေ၏။နှစ်ပေမီးချောင်းလေးက သိပ်အထင်းလင်းကြီးမဟုတ်တော့ အမေမျက်စိပျက်တော့မှာပဲ ဟူသောစိတ်ဖြင့် စိတ်ထဲအနည်းငယ်တိုသွားမိရင်း…

“အမေ ညကြီးမင်းကြီး ဘာတွေ ဒီလောက်ချုပ်နေတာလဲ ကိုယ့်အသက်လဲကိုယ်ကြည့်အုန်းမမြင်မစမ်းနဲ့အမေရာ ချထား ချထား အခု”

သူ့ အသံက စိတ်ထဲကစိုးရိမ်မိပေမယ့်ပြောနေကျအတိုင်း လေသံကခပ်မာမာ ဖြစ်သွားမိ၏။ရုတ်တရက်မို့ အမေလည်းလန့် သွားပုံရသည်။

“ဘာမှမဟုတ်ပါဘူးသားရယ်…အမေအင်္ကျီအပြဲလေး ဘာလေးချုပ်နေတာပါ”

“ဒါအမေ့အင်္ကျီမဟုတ်ပါဘူး…ကျွန်တော့်မိန်းမအင်္ကျီလည်းမဟုတ်ဘူး”

သူဆတ်ခနဲ အမေ့လက်ထဲက ဆွဲယူကြည့်လိုက်တော့အမျိုးသမီးရင်ဖုံးအဖြူလေးကို နှိပ်စေ့လေးတွေ တပ်နေခြင်း ဖြစ်နေသည်။

“အမေ ဒါဘာလုပ်တာလဲသူများအင်္ကျီတွေဘာလို့ ကြယ်သီးယူတပ်နေတာတုန်း အမေ့မှာဘာသုံးစရာရှိလို့ တုန်းဘယ်လောက်များရလို့ လဲအမေရာ မချုပ်နဲ့ ကိုယ့်အသက်လည်း ကြည့်အုန်း…၇၀ကျော်နေပြီ သူများတွေမြင်ရင်ကျွန်တော်နွားဖြစ်အောင်လို့ လား အမေက ”

ပြောရင်းသားနှင့်လေသံတွေ မာသွားမိတော့ အမေကမျက်ရည်လည်သော မျက်ဝန်းတွေနှင့် သူ့ ကိုငေးကြည့်နေရှာ၏။

“အေးပါ သားရယ် မလုပ်နဲ့ဆိုလည်း အမေမလုပ်တော့ပါဘူး အမေ့ကြောင့်ငါ့သားဂုဏ်မပျက်စေရပါဘူးကွယ် အမေ ကတိပေးတယ်နော်သားသွား သွား သားပင်ပန်းလာတယ် နားချည်တော့”

“အင်းး ဒါဆိုလဲပြီးရော နောက်တစ်ခါထပ်မမြင်ရ စေနဲ့နော် အမေ ဒါပဲ”

သူ အမေ့အခန်းထဲက ထွက်လာတော့ ချောင်းတစ်ချက်ဟန့် သံကြားလိုက်သလိုမို့ .…

“မိန်းမ မင်းမပြောဘူးလား ငါ့အမေမမြင်မစမ်းနဲ့ဘယ်တုန်းကတည်းက ယူယူချုပ်နေမှန်းမသိ ငါလဲမသိရပါလားး”

“အဲ့ဒါပြောတာပေါ့ ကျွန်မပြောလည်း ရှင့်အမေကပြောရမှာမို့ လို့ လား ကျွန်မလည်း ကိုယ့်အိမ်အလုပ်နဲ့ကိုယ် မအားရတဲ့ကြားထဲနေရာတကာတော့ ဘယ်လိုက်ကြည့်နေနိုင်မလဲ ရှင့်သားသမီးတွေက………………………”

သူ့ မိန်းမရဲ့ ညည်းချင်းတွေကို ဆက်နားမထောင်တော့ပဲ သူအိပ်ပစ်လိုက်တော့သည်။အဲ့အမေတစ်ယောက်ကလေ ဘာတွေလုပ်နေမှန်းကိုမသိဘုး အေးဆေးနေလို့ ရရဲ့သားနဲ့မနေနိုင်ဘူး

ဟူးးးး

သက်ပြင်းမှုတ်ထုတ်လိုက်ရင်း သူအိပ်ပျော်သွားခဲ့တော့သည်။

ဒီနေ့ ကိုသောင်းအိမ်ပြန်လာတော့သူ့ မိန်းမက ဆီးပြောပါ၏။

“ကိုသောင်းရေ…ကျွန်မအမျိုးတွေနဲ့ ဘုရားဖူးထွက်မလို့  ကလေးနှစ်ယောက်ခေါ်သွားမယ်…စားရေးသောက်ရေးအတွက် ကျွန်မတူမလေး ခေါ်ထားပေးခဲ့ရမလား”

“ဘယ်တော့လဲကွ မင်းဟာက ဗြုန်းစားကြီးငါကတော့လိုက်မရပါဘူး မင်းတို့ သားအမိတွေပဲလား …အမေရော…”

သူ့ စကားမဆုံးခင် အမေက ဝင်ပြော၏။

“ချွေးမက ခေါ်ပါတယ်သားရယ် …အမေမလိုက်နိုင်တာပါ… ခရီးပမ်းတဲ့ဒဏ်မခံနိုင်ဘူးလေ…”

သူ့ မိန်းမကတော့ ဘာတစ်ခွန်းမှ ဝင်မပြော ဘောက် ဆတ်ဆတ်နဲ့သူ့ လက်ထဲကအိတ်ကိုဆွဲယူပြီးအခန်းထဲာာဝင်သွားတော့၏။အမေကထုံးစံအတိုင်း ဘုရားဆက်ရှိခိုးလို့ ပေါ့…ပြေးလွှားဆော့နေတဲ့ သူ့ သားနဲ့သမီးဖွားအေကိုပတ်ပြေးနေ၏။

အမေက ဘုရားဝတ်ပြုပြီး…သူ့ အနားသို့ လျှောက်လာရင်း…

“သားလဲ လိုက်ချင်လိုက်သွားပါလား…မိသားစုပျော်ပျော်ပါးပါး ခရီးရှည်သွားရခဲတယ်…အမေ့အတွက် ဘာမှမပူနဲ့ တူမလေးလာမယ်ပြောထားတယ်…သား အလုပ်ရှင်ကိုခွင့်တောင်းကြည့်ပါလား…”

“နေပါစေအမေရာ…မလိုက်တော့ပါဘူးသူ့ အမ်ျိုးတွေနဲ့သူတို့ ဘာသာသွားပါစေနောက်ကြုံမှမိသားစု သက်သက်သွားမယ်”

အမေက ဘာမှထပ်မပြောရှာတော့…အဲ့ဒိညက အမေ့အခန်းလေးဆီက ချောင်းသံတွေ အဆက်မပြတ်ကြားရလေသည်။သူ ကြားပေမယ့် တနေကုန်ပင်ပန်းလာသောကြောင့် မျက်လုံးတွေက မဖွင့်နိုင်တော့…မိန်းမကတော့ ခရီးသွားဖို့  ညလုံးပေါက်ပြင်ဆင်ချက်ပြုတ်နေပေတော့သည်။တရေးနိုးတော့ အမေ့ချောင်းသံမကြားရတော့ချေ။ အမေသက်သာပြီထင်ပါသည်ခေါင်းအုံးပေါ် ခေါင်းပြန်ချလိုက်တော့ သူပြန်၍အိပ်ပျော်သွားပါတော့သည်။

နောက်တစ်နေ့ မနက် မိန်းမနှင့်ကလေးတွေ ခရီးထွက် သွားကြတော့ အမေကသူ့ အတွက်ထမင်းချိုင့် ပြင်ဆင်ပေးနေလေသည်။

“အမေ ညကချောင်းသံကြားတယ် နေမကောင်းရင် ဆေးခန်းလေးဘာလေး သွားထားပါလားဘေးအိမ်က မကြူသမီးလေး အဖော်ခေါ်သွားလေဒါမှမဟုတ် ကျွန်တော် ပြန်လာခဲ့ရမလား.…”

“သက်သာနေပါပြီ သားရယ်…အမေ့အတွက်မပူနဲ့…ကဲ သွား သွား…”

သူလည်း အမေပြင်ဆင်ပေးသည့် ထမင်းချိုင့်ဆွဲ၍ အလုပ်ကို ထွက်လာခဲ့ပါတော့၏။တစ်နေ့ လုံး အလုပ်ထဲမှာ စိတ်နစ်နေတာနှင့် အမေ့ကိုသတိမရနိုင်တော့…။
ညနေ အလုပ်ပြီးလို့ ပြန်ခါနီး ကားမှတ်တိုင်တွင်ကားစောင့်နေစဉ်မှာပဲ…

“ဗျို့  ကိုသောင်း ခင်ဗျားမိန်းမ မရှိတော့လွတ်လပ်ရေးရနေတာပေါ့လေ ဟုတ်လားဟားးဟားး”

“ဟားးဟား မဟုတ်ရပါဘူးဗျာ ခင်ဗျားကတော့ပြောတော့မယ်… ဒါနဲ့ခင်ဗျားလက်ထဲကကော်ဖီမစ် အထုတ်ကြီးတွေ နှစ်ထုတ်သုံးထုတ်နဲ့များလှချည်လားဗျ …ဒီလောက်အများကြီး ဘာလုပ်ဖို့ တုန်း… ဧကန္တ အိမ်ကမိန်းမကို မျက်နှာလုပ်ဖို့ ထင်တယ်…”

“အဟားး မိန်းမဖို့  မဟုတ်ပါဘူး အိမ်ကအမေအတွက်ပါဗျာ…မနက်ဖြန်တန်းဆွမ်းလေးလောင်းချင်တယ်ဆိုလို့  …မိန်းမကိုပြောမနေတော့ပါဘူးဗျာ…ကိုယ့်အမေတွက် ကိုယ်ပဲဝယ်ပေးရမှာပေါ့…မဟုတ်ဘူးလား..…”

ကိုသောင်းစိတ်ထဲ ဘာရယ်မဟုတ် အမေ့ကို ပြေးမြင်မိသွား၏။ကိုဝင်းမြင့်နှင့်သူသည် လခစားဘဝတူချင်းဖြစ်သည့်အပြင် ကိုယ့်ထက်ပင် သားသမီးဦးရေများပြား၍ သူ့ ထက် အနည်းငယ် ကျပ်တည်းရှာသူ…

“သွားအုန်းမယ် ကိုသောင်းရေ…ခင်ဗျားအမေရော နေကောင်းလားမတွေ့တာကြာပြီ ကျွန်တော်မေးတဲ့အကြောင်း ပြောလိုက်ပါအုန်း…”

သူ ခေါင်းငိုက်စိုက်နှင့် လိုင်းကားပေါ်အရောက်တွင် အတွေးတွေ ခေါင်းထဲမှာ အလုအယက် တိုးဝင်နေတော့၏။အမေ…အမေသည် သူအိမ်ထောင်ကျပြီးသည့်နောက်ပိုင်းတစ်ခါမျှ ဤသို့ မမှာဖူးသလို ဘာလိုချင်သည် ညာလိုချင်သည် မပူဆာခဲ့ဖူးပါ။သူကလည်း မမေးမိခဲ့…မိန်းမလက်ထဲ ပိုက်ဆံထိုးအပ်လိုက်လျှင် သင့်သလို စီမံပေးလိမ့်မည်ဟု သူမှတ်ယူခဲ့သည် မဟုတ်လားး…နောက်ပြီး အိမ်ပေါ်တွင်မပူမပင် မကြောင့်မကျ နေနေရတော့ အမေ့လိုသက်ကြီးရွယ်အို အတွက် ဘာမှ လိုအပ်မည်ဟု သူမထင်မိခဲ့ပါ…။

အမေ့အပေါ်တွင် တာဝန်မကျေသလို ခံစားမှုတွေကရင်ထဲကိုတင်းကျပ်လာစေသလို ရှက်စိတ်တွေတရိပ်ရိပ်ထိုးတက်လာမိတော့၏။

လမ်းတလျှောက် ဈေးဆိုင်တန်းတွေ ငေးကြည့်ရင်းသစ်သီးတန်းတွေကို မြင်တော့ နီးရာမှတ်တိုင်မှာ ဆင်း၍ပန်းသီးအလုံးလှလှ ၅လုံးခန့်  ဆင်းဝယ်ခဲ့တော့သည်။ဒီနေ့ အမေ့နားမှာ သူအချိန်ကုန်မည် ပန်းသီးတွေကိုကိုယ်တိုင်စိပ်၍ကျွေးမည်။အမေအိပ်ခါနီး အမေ့ကိုနင်းနှိပ်ပေးရင်း မပြောဖြစ်တာကြာပြီဖြစ်သောသူငယ်စဉ်ကအကြောင်းတွေ ပြောရင်းအမေ့ကို ပျော်ရွှင်စေမည်။အတွေးနဲ့တင် သူ့ ရင်ထဲကတင်းကျပ်မှုတွေ ချက်ချင်းလွင့်ပါးသွားသလို အိမ်အပြန်ခြေလှမ်းတွေက ပေါ့ပါးသွက်လက်နေတော့သည်။

အမေရယ်… သားအမေ့ကို ပစ်ထားခဲ့မိတဲ့ အချိန်တွေ အတော်ကြာနေပြီပဲ …သားအမေ့ကို မချစ်လို့  မဟုတ်တာတော့ သေချာပါတယ်အမေ…ဒီနေ့ ကစသားနဲ့အမေ အရင်လို နွေးနွေးထွေးထွေးနေကြမယ်…ကိုသောင်း၏ မျက်နှာပြင်ဝယ် လန်းဆန်းရွှင်မြူးရိပ်တွေအထင်းသားနှင့်အိမ်ပေါ်လှမ်းအတက်မှာတော့…

“ကိုသောင်း ခင်ဗျားအမေ သွေးတွေအန်လို့ ဆေးရုံကိုခုပဲသွားပို့ ခဲ့ရတယ်… ခင်ဗျားဆီ ဆက်သွယ်လို့ မရတာနဲ့ ကျွန်တော်လည်း ခုရောက်ရောက်ချင်းခင်ဗျားကိုလာပြောတာ…”

“ဗျာ..”

ကိုသောင်းရင်ဝကို ဆီးအကန်ခံလိုက်ရတာမျှ သက်သာအုန်းမည် ထင်ပါသည်။လေးညှို့ က ပစ်လိုက်သည့် မြားတစ်စင်းနှယ်…သူချက်ချင်းတဟုန်ထိုး ဆေးရုံသို့ 
လိုက်သွားတော့၏။

“ကိုသောင်း လာပြီဟေ့ …ဖယ်ပေးလိုက်ဖယ်ပေးလိုက်..…”

အိမ်နီးချင်းတွေက မျက်နှာမကောင်းစွာဖြင့် သူ့ ကိုလမ်းဖယ်ပေးကြ၏။အမေ့ကို သူမြင်လိုက်ရတဲ့ အချိန်တွင်အမေ့အင်္ကျီရင်ဘတ် တစ်ခုလုံး သွေးစသွေးနတွေ ပျံ့ကျဲလျက် …

“အမေ…ဘယ်လိုဖြစ်တာလဲအမေရယ်ဒီလောက်ဖြစ်နေတာ သားမသိခဲ့ရပါလား…သားကိုဘာလို့ မပြောတာလဲ အမေရယ်…လုပ်ကြပါအုန်းဗျာ ဒေါက်တာ ဒေါက်တာတွေဘယ်မှာလဲ ကျွန်တော့အမေ ဘာဖြစ်တာလဲ ဘယ်သူမှ လာမကြည့်ကြဘူးလားဗျ…”

စကားတွေဗလုံးဗထွေးနှင့် ဆို့ နင့်အက်ကွဲနေသည့် သူ၏အသံကို နားထောင်ရင်း အိမ်နီးချင်းအမျိုးသမီးတွေဆီကရှိုက်သံတွေ ထွက်လာတော့သည်။အမေ၏ ဖြူဖျော့နေသော မျက်နှာထက်မှ မျက်ရည်ပြည့်နေသည့်မျက်ဝန်းအစုံသည် သူ့ ကို စိတ်မချသလိုငေးစိုက်ကြည့်နေရှာလေသည်။သွေးစွန်းနေသော အမေ့နှုတ်ခမ်းများသည် မဟတစ်ဟနှင့် တစ်ခုခုပြောရန် အားယူနေသည့်နှယ်…

“ကိုသောင်း ခင်ဗျားအမေ ခင်ဗျားမလာခင်လေးတင် အသက်ထွက်သွားရှာတယ်ဗျာ…ကျွန်တော်တို့ ဆေးရုံကိုအပို့ နောက်ကျသွားတယ် ခင်ဗျားအိမ်မှာ ဘယ်အချိန်ထဲက ဖြစ်နေတယ်မသိဘူး ဆန်ခံသီလရှင်လေးတွေကဒကာမကြီး ထွက်လောင်းနေကျ မလောင်းလို့ စိတ်ပူပြီး အိမ်ထဲဝင်ကြည့်မှ ကျွန်တော်တို့ တွေ သိရတာ…ဆေးရုံကိုရောက်တဲ့အထိတော့အသက်ပါလာသေးတယ် ခုနလေးကမှ.…”

စကားသံတွေ သူ့ နားထဲတွင်မကြားတစ်ချက် ကြားတစ်ချက်…အမေ့ရင်ခွင်ထဲကို ခေါင်းထိုးရင်း အံကိုကြိတ်ခဲ၍ မျက်ရည်တွေတွေကျနေမိတော့၏။သူ့ နှလုံးသားလဲ တစ်စစီ ကြွေကျသကဲ့သို့  ဆို့ နင့်မှုကိုနှိုင်းပြစရာ ရှာမတွေ့တော့ပြီ…

“အမေရယ် သားမိုက်ကိုခွင့်မလွှတ်ပါနဲ့အမေ သားကြောင့်ခုလိုဖြစ်ရတာ…သူများကတောင် ကိုယ့်အမေကိုဂရုစိုက်မေးဖော်ရခဲ့ပေမယ့် သားမေးဖို့ သတိမရခဲ့ဘူး…
သားပြန်လာတဲ့အထိလေးများ ခဏဖြစ်ဖြစ်စောင့်ပါအုန်းတော့လားအမေရယ်…အမေ့သလိပ်တွေ ဆီးတွေဝမ်းတွေ သားမရွံတော့ပါဘူး…သားမိုက်ရဲ့မျက်နှာတည့်တည့်ကို ထွေးပစ်လိုက်စမ်းပါအမေရယ်…”်

နဘေးက ကြည့်နေသူများလဲ မျက်ရည် မဆည်နိုင်တော့ပြီ…

“ကိုသောင်းရေ လုပ်စရာရှိတာလေးတွေ ဆက်လုပ်ရအောင်ပါ…ဖြစ်ပြီးမှတော့ဘာမှမတတ်နိုင်တော့ဘူးလေဖြေသိမ့်နိုင်အောင်သာ ကြိုးစားပါတော့ဗျာ…”

အမေ့အပေါ် တာဝန်ကျေဖို့  သူဆုံးဖြတ်မိခဲ့သည့်နေ့ တွင်မှအမေသည်…သူ့ ကိုစွန့် ခွါသွားခဲ့လေပြီအမေ့ကို ကျစ်ကျစ်ပါအောင် ဖက်ထားသော သူ့ အားအိမ်နီးချင်းများက အတင်းဆွဲခွါကြတော့…အမေ့လက်ကလေးက ခုတင်အောက်သို့  တွဲလောင်းလေး ထွက်ကျလာပါ၏။

“ကိုသောင်း ရှင့်အမေလက်မှာ ချိတ်ထားတဲ့ အိတ်ထုတ်လေးက ဘာလဲမသိဘူး ဖြည်ကြည့်ပါအုန်းလားး…”

သူသည် အမေ့နားမှာ ဒူးထောက် ထိုင်ချလိုက်ရင်း အမေ့လက်ကောက်ဝတ်မှာ ချိတ်ရက်သားအိတ်ထုတ်လေးကို ကြေကွဲစွာဖြင့်ဖြည်ကြည့်မိပါတော့သည်။

အားလုံးကလည်း ဘာလေးဖြစ်မည်ကို သိချင်ကြသဖြင့်ကိုသောင်းကို အာရုံစိုက်ငေးနေကြစဉ်…

“အ…မေ.…ရယ်…”

“#0ုန်း…”

ဟူသော အသံတို့ နှင့်အတူ ကိုသောင်း၏ခန္ဓာကိုယ်ကြီးသည်ဆေးရုံကြမ်းပြင်ပေါ်သို့  အရုပ်ကြိုးပြတ် နောက်ပြန် ပစ်လဲကျသွားပါတော့၏။

“ဟာ ဟဲ့ ဟဲ့ ဘာဖြစ်တာလဲ ကိုသောင်း ကိုသောင်း သတိထားလေ”

ကိုသောင်းကို ပြေးပွေ့သူက ပွေ့လိုက်ကြပြီး သူ၏အမေလက်ထဲက အိတ်ထုတ်လေးကို သိချင်စိတ်ဖြင့် ဖြန့် ကြည့်ကြသောအခါ…

“သားကြီး၃၂နှစ်ပြည့်မွေးနေ့ လှူဖို့ အမေ့ချွေးနဲစာလေး” ဟူသော စာတန်းပါ စာအိတ်လေးတစ်အိတ် သွေးစွန်းနေသော အပ်ချည်လုံးနှင့် အပ်ကလေးတစ်ခု စိပ်ပုတီးလေးတစ်ကုံးနှင့်အတူ စာအိတ်ကိုဖွင့်ကြည့်လိုက်တော့ တစ်ထောင်တန်ခပ်နွမ်းနွမ်းလေးငါးရွက်ကထပ်ရက်သား…

အားလုံး၏ မျက်ဝန်းအိမ်တို့ သည် မတိုင်ပင်ရပါဘဲနှင့်မျက်ရည်မိုးတို့ သည်းထန်စွာ ရွာသွန်းမိကြလေတော့သည်တကား…။

ပြီးပါပြီ

မနှောင်းစေချင်

မိဘရှိစဉ် မြူတစ်မျှင်မျှငြိုငြင်ကြနှင့် ။

ကြွေးဟောင်းမဟူ မေတ္တာတူမျှ

ကြည်ဖြူကြသင့် ချိန်မလင့်စေ

မိုက်တွေဝေသော် ရင်ကြွေနောင်တ

မျက်ရည်ကျမြဲ တ လည်းမထနိုင်တော့ပြီ။

မိဘတွေသက်ရှိထင်ရှားရှိနေတဲ့အချိန်လေးမှာ လုပ်ကျွေးနိုင်တဲ့သား/သမီးကောင်းများဖြစ်နိုင်ကြပါစေလို့် ဆုတောင်းပေးလျက်

#credit ,original writer

Leave a Reply

Your email address will not be published. Required fields are marked *

Show Buttons
Hide Buttons