မိုးအောင်ရင်ကို လွတ်ငြိမ်းခွင့်နဲ့ လွတ်စေချင်ပြီဆိုတဲ့ မို့မို့မြင့်အောင်

ပရိသတ်အားပေးမှုအခိုင်အမာ ရရှိထားတဲ့ မင်းသားချောတယောက်ဖြစ်တဲ့ မိုးအောင်ရင်ကတော့ ကံဆိုးစွာနဲ့ပဲ မူးယစ်ဆေးဝါးသုံးစွဲမှုနဲ့ ထောင် ၁၇ နှစ် ကျသွားခဲ့တာ ဖြစ်ပါတယ်။ ဒီလိုမျိုးဖြစ်သွားတာကြောင့် အနုပညာအသိုင်းအဝိုင်းက လူတွေအပြင် ပရိသတ်တွေကပါ စိတ်မကောင်းဖြစ်ခဲ့ ကြတာဖြစ်ပါတယ်။ ဒါပေမယ့်လည်း လက်ရှိထွက်ပေါ်နေတဲ့ သတင်းများအရ လွတ်ငြိမ်းချမ်းသာခွင့် ရရှိတဲ့အထဲမှာတော့ ပါလာနိုင်တယ်ဆိုပြီး ကြားနေရတာဖြစ်ပါတယ်။ ဒီကိစ္စနဲ့ ပတ်သက်ပြီး မိုးအောင်ရင်ရဲ့ အနုပညာမိဘတယောက်ဖြစ်တဲ့ မို့မို့မြင့်အောင်ကတော့ သူ့ရင်ထဲမှာရှိတဲ့ ခံစားချက်တွေကို ပြောကြားသွား ခဲ့ပါတယ်။

မို့မို့မြင့်အောင်ကတော့  အင်တာဗျူးတွင် မိုးအောင်ရင်နဲ့ ပတ်သက်ပြီး မိုးအောင်ရင်လွတ် ငြိမ်းချမ်းသာခွင့်ထဲမှာပါလာခဲ့မယ်ဆိုရင်  “ပြောရရင်တော့ လောဘကြီးတယ်။ ဒီတခေါက်ကို ပါလာစေချင်ပါပြီ။ ကလေးက တကယ်လိမ္မာတဲ့ ကလေးလေးပါ။ တခါတလေတော့လည်း မှားမိတာလေးတွေတော့ ရှိမှာပေါ့။ အခုဆိုရင်လည်း သူနောင်တလည်း တော်တော်ကိုရနေလောက် ပါပြီ။ ပြီးတော့ သူကမိဘကိုလုပ်ကျွေးနေတဲ့ သားလေးလည်း ဖြစ်တာကြောင့်ပါ”

သူသာလွတ်လာရင် ဘာလုပ်စေချင်လဲ ဆိုတဲ့အပေါ်မှာတော့ “သူ့ကိုအနုပညာလောကနဲ့ မွေးခဲ့တဲ့အမေဆိုတော့ အနုပညာလောကနဲ့ပဲ ရှင်သန်စေချင်တာပေါ့။ ဒါပေမယ့်လည်း အခုကတော့ သိတဲ့အတိုင်းပဲ ဗီဒီယိုလောကကလည်း အဆင်မပြေတော့ဘူးလေ။ အခုက ဗီဒီယိုလောက ပျက်နေပြီဆိုတော့လေ။ တကယ်လို့ ဖြစ်နိုက်မယ်ဆိုရင်တော့ မမို့ကတော့ သူ့ကိုအပြင်စီးပွားရေးပဲ လုပ်စေချင်ပါတယ်

သူအရွယ်လည်းရလာပါပြီ။ သူ့မှာနဂိုကတည်းက အသိဥာဏ်အတွေးဥာဏ်က ရှိပြီးသားပါ။ သူမှားလို့ မှားသွားတာတောင်မယုံနိုင်ဘူး။ သူကချိန်ဆတတ်ပါတယ်။ လူလည်လေးပါ။ ခပ်အအထဲကလည်းမဟုတ်ဘူး သူကလေ။ ဒါကြောင့် စိတ်မကောင်းဖြစ်မိတာပါ။ သူ့ဘဝကိုသူ ပြန်လည်ပြင်ဆင်တတ်တဲ့ အကျင့်လေးရှိပါတယ်။ ပြန်ပြီးတော့လည်း ပြင်ဆင်နိုင်မယ်လို့ ထင်ပါတယ် ဟုပြောကြားသွား ခဲ့ပါတယ်။

Leave a Reply

Your email address will not be published. Required fields are marked *

Show Buttons
Hide Buttons