အင်းစိန်မြို့နယ် တရားရုံးမှာ ပုဒ်မ ၅၀၅(က) နဲ့ တရားစွဲခံထားရတဲ့ ဒါရိုက်တာ မင်းထင်ကိုကိုကြီးကို ဒီကနေ့ ဧပြီ ၁၂ ရက်၊ ရုံးချိန်းမှာ တရားသူကြီးက အာမခံ မပေးတဲ့အတွက် အင်းစိန် အကျဉ်းထောင်ဆီ ဖမ်းဆီး ခေါ်ဆောင်သွားပြီဖြစ်ပါတယ်။

လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော်ကို ပူးတွဲ တည်ထောင်သူ ဒါရိုက်တာ မင်းထင်ကိုကိုကြီးကို ရန်ကုန်တိုင်း အင်းစိန်မြို့နယ် ရဲစခန်းမှာ တပ်မတော်က ဆက်သွယ်ရေး ဥပဒေ ပုဒ်မ ၆၆(ဃ) နဲ့ အမှုဖွင့်ထားပြီး ဧပြီလ ၂ ရက်နေ့က အာမခံပေးထားပါတယ်။ ပုဒ်မ ၅၀၅(က) နဲ့ အင်းစိန်မြို့နယ် တရားရုံးမှာ တရားစွဲတဲ့ အမှုကိုတော့ အာမခံ မပေးတဲ့အတွက် ခုလို ဖမ်းဆီးပြီး အင်းစိန်အကျဉ်းထောင်ကို ခေါ်ဆောင်သွားခြင်း ခံရတာပါ။ မင်းထင်ကိုကိုကြီးဟာ

သူရဲ့ ko ko gyi ဖေ့ဘွတ်ခ် လူမှုကွန်ယက် စာမျက်နှာမှာ ရေးသားဖော်ပြခဲ့တာတွေအတွက် တပ်မတော်က ပုဒ်မ ၂ ခုနဲ့ ခုလို ရားစွဲခဲ့တာပါ။ ဒီလို တရားစွဲခံရတာနဲ့ ပတ်သက်ပြီး မင်းထင်ကိုကိုကြီးက “ အမှုဖွင့်ခံထားရတာကို သိတဲ့ အဲဒီအချိန်ကစလို့ ကျွန်တော့်ရေးထားခဲ့သမျှသော ဘယ် post ကိုမှ ပြင်ဆင် edit လုပ်ခြင်း၊ only me လုပ်ခြင်း၊ ဖျက်ပစ်ခြင်း၊ စတာတွေ တစ်ခုမှ မလုပ်ပါဘူး။

ကျွန်တော်က post ရေးပြီးရင် သတ်ပုံတွေ၊ ရေးထုံးတွေ ပြန်ပြန်ပြင်တတ်လေ့ရှိပါတယ်။ ဒါပေမဲ့ ဒီ post တွေကြောင့် တရားစွဲဆိုခံရတယ် သိလိုက်ရတဲ့ အချိန်ကစပြီး လုံးဝမထိ မတို့တော့ပါဘူး။” လို့ ဆိုထားပါတယ်။ လူမှုကွန်ယက်စာမျက်နှာမှာ ရေးသားဖော်ပြတာတွေနဲ့ ပတ်သက်ပြီး မင်းထင်ကိုကိုကြီးကို ရန်ကုန်တပ်နယ်မှူး ဗိုလ်မှူးကြီးလင်းထွန်းက ပုဒ်မ ၅၀၅ (က)၊ ပုဒ်မ ၆၆(ဃ) နဲ့ အမှုဖွင့်ထားတာ ဖြစ်ပါတယ်။

ပို့စ် ၁၀ ခုကြောင့် တပ်မတော်၏ အမှုဖွင့်ခြင်း ခံရဟု ဒါရိုက်တာ မင်းထင်ကိုကိုကြီး ပြော …..

“နွားသို့မေတ္တာစာ” အပါအဝင် ရေးတင်ခဲ့သည့် ပို့စ် ၁၀ ခုကြောင့် ဆက်သွယ်ရေး ဥပဒေ ပုဒ်မ ၆၆(ဃ)နှင့် အမှုဖွင့်ခံရခြင်း ဖြစ်ကြောင်း ဒါရိုက်တာ မင်းထင်ကိုကိုကြီး က အင်းစိန် မြို့မ ရဲစခန်းမှ ပြန်အထွက်တွင် ပြောသည်။

ဒါရိုက်တာ မင်းထင်ကိုကိုကြီး၏ ဖေ့စ်ဘုတ် စာမျက်နှာတွင် ဖေဖော်ဝါရီ ၁၅ ရက်မှ မတ်လ ၂၂ ရက် အတွင်း ရေးတင်ခဲ့ သည့် ပို့စ် များထဲမှ ပို့စ် ၁၀ ခုသည် တပ်မတော်၏ ဂုဏ်သိက္ခာအား ထိခိုက်စေသည်ဟု ဆိုကာ ရန်ကုန်တိုင်း စစ်ဌာနချုပ်မှ ဒုတိယ ဗိုလ်မှူးကြီး လင်းထွန်းက မတ်လ ၂၉ ရက်တွင် တရားလို လုပ်ကာ အမှုဖွင့်ခဲ့ခြင်း ဖြစ်သည်။

ဒါရိုက်တာ မင်းထင်ကိုကိုကြီးက“ကိုယ်က ကဗျာတွေ ရေးတယ်။ ဒါရိုက်တာလည်း လုပ်တဲ့သူ တယောက်ဖြစ်လို့ ကိုယ်သိ တဲ့ အသိတွေကို မျှဝေပေးတယ်၊ အဲဒီလို မျှဝေတဲ့ နေရာမှာ တစုံတခု ဖြစ်လာတဲ့အချိန်မှာ ရှောင်ပြေးဖို့၊ ထွက်ပြေးဖို့ မရှိပါ ဘူး။ ကိုယ် ရင်ဆိုင်မယ်၊ တာဝန်ယူမယ်၊ အဲဒီ ရပ်တည်မှုနဲ့ပဲ တရားရုံးမှာ ထုချေမယ်”ဟု ပြောသည်။

ဧပြီ ၂ ရက် နေ့လယ်ပိုင်းက အင်းစိန် မြို့မ ရဲစခန်းတွင် ဒါရိုက်တာ မင်းထင်ကိုကိုကြီးက ကနဦး ထွက်ဆိုချက်များ ပေးခဲ့ပြီး တရားရုံး တင်ကာ အမှုစွဲဆိုနိုင်ရန် ရဲတပ်ဖွဲ့က စီစဉ်လျက် ရှိကြောင်း သိရသည်။

အမှု ဖွင့်ထားခြင်းနှင့် ပတ်သက်ပြီး ရန်ကုန်တိုင်း စစ်ဌာနချုပ်ထံသို့ ဧရာဝတီက ဆက်သွယ် မေးမြန်းခဲ့သော်လည်း တစုံတရာ သဘောထား မှတ်ချက်ပေးခြင်း မရှိပေ။

ဒါရိုက်တာ မင်းထင်ကိုကိုကြီး ရေးသားသော “နွားသို့ မေတ္တာစာ” ဆိုသည့် ပို့စ်တခုကို Ko Ko Gyi အမည်ဖြင့် သုံးစွဲသည့် Facebook စာမျက်နှာ၌ မတ်လ ၁၆ ရက် မွန်းလွဲ ၂ နာရီ ၅၁ မိနစ် အချိန်က ရေးတင်ခဲ့ခြင်းဖြစ်ကာ တပ်မတော်သား လွှတ်တော် ကိုယ်စားလှယ် တဦး၏ လွှတ်တော်တွင်း ၂၀၀၈ ဖွဲ့စည်းပုံ အခြေခံ ဥပဒေနှင့် ပတ်သက်ပြီး ပြောဆိုချက် တချို့ ကို တုံ့ပြန် ရေးသား ထားသည်ကို တွေ့ရသည်။

ထိုသို့ ရေးသားချက်များကြောင့် အမှုဖွင့်ခံရခြင်းနှင့် ပတ်သက်ပြီး မတ်လ ၃၀ ရက် ညနေပိုင်းတွင် သတင်းဌာန များက မေးမြန်းလာသည့် အချိန်မှစ၍ ရေးသားခဲ့သည်များအား ပြန်လည် ပြင်ဆင်ခြင်း မရှိကြောင်းနှင့် ရေးသားမှုကို လည်း တာဝန် ယူမှု အပြည့် ရှိကြောင်း ဒါရိုက်တာ မင်းထင်ကိုကိုကြီး က ဆိုသည်။

ဆက်သွယ်ရေး ဥပဒေ ပုဒ်မ ၆၆(ဃ)တွင် မည်သူမဆို ဆက်သွယ်ရေး ကွန်ရက် တခုခုကို အသုံးပြု၍ ပုဂ္ဂိုလ် တဦးဦးအား ခြောက်လှန့် တောင်းယူခြင်း၊ အနိုင်အထက် ပြုခြင်း၊ မတရား တားဆီး ကန့်ကွက်ခြင်း၊ အသရေ ဖျက်ခြင်း၊ နှောင့်ယှက်ခြင်း၊ မလျော်သြဇာ သုံးခြင်း သို့မဟုတ် ခြိမ်းခြောက်ခြင်း ပြုလုပ်လျှင် ထိုသူကို သုံးနှစ်ထက် မပိုသော ထောင်ဒဏ် ဖြစ်စေ ငွေ ဒဏ်ဖြစ်စေ ဒဏ် နှစ်ရပ်လုံး ဖြစ်စေ ချမှတ် ရမည်ဟု ပြဌာန်းထားသည်။

ပုဒ်မ ၆၆(ဃ)နှင့် တရားစွဲဆိုမှုများ နှင့် ပတ်သက်ပြီး ဥပဒေ စတင် ပြဌာန်းသည့် ၂၀၁၃ ခုနှစ် အောက်တိုဘာလမှ စတင်၍ ၂၀၁၉ ခုနှစ် ဖေဖော်ဝါရီလ ၄ ရက် အထိ ကောက် ယူထားသည့် အသံ (Athan) အဖွဲ့၏ စစ်တမ်းများ အရ တရားစွဲဆိုမှု ၁၇၉ မှု ရှိကြောင်း သိရသည်။

လက်ရှိ အစိုးရ လက်ထက် ၂၀၁၇ ခုနှစ် သြဂုတ်လတွင် ပုဒ်မ ၆၆(ဃ)အား ပြင်ဆင်ခဲ့ပြီးနောက် တရားစွဲဆိုမှု ၇၇ မှု ရှိသည့် အနက် အစိုးရဌာန ဆိုင်ရာ ဝန်ထမ်းများနှင့် လွှတ်တော် ကိုယ်စားလှယ်များ၏ တရားစွဲဆိုမှုမှာ ၂၄ မှု အထိ ရှိကြောင်း လည်း အသံ အဖွဲ့က ထုတ်ပြန်ထားသည်။
ဧရာဝတီ

ဆက်သွယ်ရေး ပုဒ်မဖြင့် အမှုဖွင့် ခံထားရသော ဒါရိုက်တာ မင်းထင်ကိုကိုကြီးကို ယနေ့ အင်းစိန်မြို့ ရဲစခန်းရှေ့တွင် တွေ့ရ စဉ် / ထွန်းထွန်း / ဧရာဝတီ

ပုဒ်မ ၅၀၅ ဆိုင်ရာ ဖော်ပြချက်များ။

အများပြည်သူ၏ အကျိုးပျက်စီးစေမှု (Public mischief ) ကို ဖြစ်သောဖော်ပြချက်

၅၀၅ ။ မည်သူမဆို ဖော်ပြချက်ကိုဖြစ်စေ၊ ကောလာဟလကိုဖြစ်စေ၊ သတင်းကိုဖြစ်စေ ပြုရာတွင် သို့မဟုတ် ထုတ်ပြန်ကြေညာရာတွင် သို့မဟုတ် ဖြန့်ချိရာတွင်
(က) တပ်မတော်တွင် အမှုထမ်းရွက်သော တပ်မတော်သားအား စစ်ပုန်ကုန်ခြင်းကိုသော်လည်းကောင်း၊ သက်ဆိုင်ရာ မိမိ၏ တာဝန်ဝတ္တရားကို မလေးစားခြင်းသောလည်းကောင်း၊ ပျက်ကွက်ခြင်းသော်လည်းကောင်း ပြုစေရန် အကြံရှိလျှင် သို့မဟုတ် ထိုသို့ ပြုစေတန်ရာသည့် အကြောင်းရှိလျှင် သို့မဟုတ် (ရာဇသတ်ကြီးကို ပြင်ဆင်သည့်ဥပဒေအမှတ် ၆/၂၀၁၆)(ခ) နိုင်ငံတော်အစိုးရကို ဖြစ်စေ၊

နိုင်ငံတော်ငြိမ်ဝပ်ရေးကိုဖြစ်စေ ထိခိုက်သည့်ပြစ်မှုကို တစ်ဦးတစ်ယောက်သောသူက ကျူးလွန်ချင်လာအောင် အများပြည်သူကိုသော်လည်းကောင်း၊ အများပြည်သူ၏ သီးခြား လူစုကိုသော်လည်းကောင်း ကြောက်ခြင်း ထိတ်လန့်ခြင်း၊ တစ်ခုခုဖြစ်စေရန် အကြံရှိလျှင် သို့မဟုတ် ထိုသို့ ဖြစ်စေတန်ရာသည့် အကြောင်းရှိလျှင် သို့မဟုတ်

(ဂ) လူအမျိုးအစား အချင်းချင်းဖြစ်စေ၊ လူမျိုးစုအချင်းချင်းဖြစ်စေ တစ်ဖက်နှင့်တစ်ဖက် ပြစ်မှုကျူးလွန်အောင် လှုံ့ဆော်ရန် အကြံရှိလျှင် သို့မဟုတ် အဆိုပါလှုံ့ဆော်ခြင်းကိုဖြစ်စေ တန်ရာသည့်အကြောင်းရှိလျှင် ထိုသူကို နှစ်နှစ်ထိ ထောင်ဒဏ်တစ်မျိုးမျိုးဖြစ်စေ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ရမည်။

ကင်းလွတ်ချက် ။ တစ်ဦးတစ်ယောက်သောသူသည် ဖော်ပြချက်ကိုဖြစ်စေ၊ ကောလာဟလကို ဖြစ်စေသတင်းကို ဖြစ်စေပြုရာတွင် သို့မဟုတ် ထုတ်ပြန်ကြေညာရာတွင် သို့မဟုတ် ဖြန့်ချိရာတွင် ထိုဖော်ပြချက်သော်လည်းကောင်း၊ ထိုကောလာဟလ သော်လည်းကောင်း၊ ထိုသတင်းသော်လည်းကောင်း မှန်ကန်သည်ဟု ယုံကြည်ရန် အကြောင်းရှိသည့်ပြင် အထက်က ဆိုခဲ့သော အကြံမရှိဘဲ ပြုလျှင် သို့မဟုတ် ထုတ်ပြန်ကြေညာလျှင် သို့မဟုတ် ဖြန့်ချိလျှင် ဤပုဒ်မ၏ အဓိပ္ပာယ်အရ ပြစ်မှုမမြောက် ။

သတင်း – သီဟစိုးလွင်

LEAVE A REPLY

Please enter your comment!
Please enter your name here