ထူးထူးခြားခြား မီတာခ ၁၇၈၀၀၀ ဆောင်လိုက်ရတဲ့ ဇေရဲထက်

အခုရက်ပိုင်း ဓာတ်အားလိုင်းများလဲလှယ်နေခြင်းကြောင့် ရန်ကုန်မြို့မှ မြို့နယ်အားလုံး မီးမကြာခဏပြတ်တောက်မှုနှင့်ကြုံနေရပါတယ်။ ဒီထဲမှာမှ သရုပ်ဆောင် ဇေရဲထက်က အခုလို မီးပျက်နေတဲ့ကြားထဲကကိုမှ မီတာခ ၁သိန်းကျော်ဆောင်လိုက်ရတာနဲ့ပတ်သတ်ပြီး ဒီဖြစ်စဉ်ကို အခုလိုပဲ ဝေဖန်သုံးသပ်ထားပါတယ်။

မီတာခက အရင်လက၄သောင်းကျော်ပဲကျတယ်။ ဒါတောင်တော်တော်သုံးတာ။ ဒီလမှာ ၁၇၈၀၀၀ ထောင်လောက်ကျတဲ့အခါမှာကျတော့ တော်တော်ကြီးကိုများသွားတယ်။ တော်တော်ကြီးများတဲ့ အခါကျတော့ ကျွန်တော်တို့အနေနဲ့ ၁၇၈၀၀၀ ထောင်ဆိုရင် တခြားသာမန်လူတွေဆိုရင် ဘယ်လောက်ကျသွားမလဲ။ ဘာဖြစ်လို့လဲဆိုတော့ တစ်ရက်ကို ၂ထောင်ဝင်ဖို့ ဆိုတာက ပြည်သူလူထုမှာက ခဲယဉ်းတယ်လေ။ သူများနိုင်ငံနဲ့တော့ယှဉ်လို့ မရဘူးပေါ့နော်။

သူများနိုင်ငံက အလုပ်တွေအများကြီးရှိတယ်။ အခွင့်အရေးတွေအများကြီးရှိတယ်။ ကျွန်တော်တို့ မြန်မာနိုင်ငံမှာက အလုပ်လည်း သိမ့်မရှိဘူး။ သာမန်ပြည်သူလူထုတွေက ပိုက်ဆံက တစ်နေ့လုပ်မှ တစ်နေ့စားရတာ။ ဒီမီးလေး မှန်လို့ ဖယောင်းတိုင်းချွေတာနေတုန်းရှိသေးတယ်။ ဒီမီတာခက တက်လိုက်တဲ့အခါကျတော့ ဘာမှမထူးဘူးလေ။ မြန်မာနိုင်ငံက အလုပ်ရဖို့ ခက်ခဲနေတဲ့အချိန်တစ်ခု၊

ပြည်သူလူထု ဆင်းရဲကျပ်တည်းနေတဲ့အချိန်ကာလတစ်ခုမှာ ဒီလိုမီတာခ တိုးကောက်လိုက်သလိုဖြစ်သွားတဲ့အခါကျတော့ စိတ်တော့မကောင်းဘူး။ စိတ်မကောင်းဘူးဆိုတာလည်း ကိုယ်တွေကဘာမှမဖြစ်ဘူး။ ကိုယ်တွေက ကိုယ့်မိဘကို ကိုယ်လုပ်ကျွေးရတာမဟုတ်ဘူး။ ကိုယ့်လုပ်စာကိုယ်စားနေရတဲ့အတွက် သိမ့်ပြီးတော့ ခေါင်းထဲထည့်စရာမလိုဘူး။

ဒါပေမယ့် အောက်ခြေလူတန်းစား တွေ အလယ်လတ်တန်းစားလေးတွေတို့ မိသားစုနဲ့ တစ်ချို့ဆိုရင်ဝန်ထမ်းတွေကို ဘယ်လိုလုပ်မလဲ။ အဲ့ဒါလေးတစ်ချက်က စဉ်းစားစရာပါ။ မီးပျက်မှ မီတာခတက်လာတာ။ သူတို့ကတော့ပြောပါတယ် ကြိုပြီးတော့ သူများနိုင်ငံထက် မီတာခနည်းတယ်တဲ့။

ပြီးခဲ့တဲ့ရက်ပိုင်းက မင်္ဂလာမှာ သတို့သားအရံလုပ်ခဲ့တဲ့အပေါ် သူအနေနဲ့ ကျွန်တော်တစ်ခါမှ သတို့သားအရံ မလုပ်ဖူးဘူး။ အဲ့ဒီမှာ ပထမဆုံးလုပ်ဖူးတာပဲ။ အဲ့တုန်းက အိပ်ငိုက်သွားသေးတယ်။ သူတို့နှစ်ဖတ်မင်္ဂလာ အကြောင်းပြောနေတဲ့အချိန်မှာ ကျွန်တော်က အိပ်ငိုက်နေတာ။ အားကျတာထက် အိပ်ချင်နေတာဗျ။ စားချင်ရင်လည်းစားလိုက်ရမှ။ နယ်တွေမှာဆိုရင်လည်း

မင်္ဂလာဆောင်တာ သူ့ဟာသူ လူကြီးနဲ့စကားပြောတယ်။ စားစရာရှိတာစား။ နားမထောင်ချင်ရင်ပြန်။ ဒါကအေးဆေးပဲ။ ဒီမှာကငုတ်တုတ်ထိုင်ပြီးစောင့်နေရတာ။ သူတို့မင်္ဂလာဆောင်တာ ချစ်စရာလေးတွေပါ။ ကရင်ဝတ်စုံလေးတွေနဲ့ သဘောကျစရာလေးတွေ။ ပြီးတော့ အရမ်းစည်းလုံးတယ်။ပြီတော့ချစ်ဖို့ကောင်းတယ်လို့ သူရဲ့အတွေ့အကြုံကို ခုလိုပြောပြပေးခဲ့ပါတယ်။

မီးပျက်တာနဲ့ ပတ်သတ်ပြီးကတော့ ဒီလကုန်မှာ ပုံမှန်အတိုင်း ပြန်ဖြစ်တော့မယ်လို့လည်းသိရပါတယ်။ ပိုကောင်းလာဖို့အတွက်ဆိုရင်တော့ ဒီတလကို စိတ်ရှည်လက်ရှည်နဲ့ သည်းခံစောင်းဆိုင်းသင့်တယ်လို့လည်း ထင်မြင်ယူဆမိပါတယ်။

Leave a Reply

Your email address will not be published. Required fields are marked *

Show Buttons
Hide Buttons